srilanka News (Feb. 10, 2021)
Informed by : நா.இ.ஈசுவரன்.
Contributed by : Elango veluppillai
Card image cap

நீத்தார் பெருமை
அமரர் தம்பிமுத்து கதிரமலை
அமரர் தம்பிமுத்து கதிரமலை அவர்கள் 1945 ல் இடைக்காட்டில் ஓர் விவசாய குடும்பத்தில்
இரண்டாவது மகவாகவும் மூத்த மகனாகவும் பிறந்தார், போதிய நிலபுலன்கள் இன்மை,
சகோதரர்களின் வருகை போன்றவற்றால் அவர்களின் வாழ்க்கை நடுத்தர வர்க்க
வாழ்க்கையாகவே இருந்தது, திரு தம்பிமுத்து கதிரமலை அவர்கள் தனது கல்வியை இடைக்காடு
மகா வித்தியாலயத்தில் க.பொ.த சாதாரணம் வரை கற்று பின் அதற்கு மேல் கற்கவேண்டுமாயின்
அயலூர் பாடசாலைக்கு செல்ல வேண்டியிருக்கும் என்பதாலும், குடும்பத்தின் மூத்தமகன்
என்பதாலும் தனக்கு பின்னால் இருக்கும் சகோதரர் நலன் களுக்காகவும் தனது கல்வியை
விடுத்து தந்தையாரின் விவசாய தொழிலுக்கு உதவத் தொடங்கினார், அன்றைய கால கட்டத்தில்
அவர் ஏதாவதொரு அரசாங்க வேலையொன்றினை பெற்றுக் கொள்ளக்கூடிய நிலை இருந்த
போதிலும் அதற்கும் அவர் முயற்சிக்கவில்லை.
இவர் எனது தந்தையாரின் சகோதரியின் பேரனாவார், அவரின் தாயார் எனது
தாயின் மீது மிகுந்த அன்பும் பாசமுமுடையவர்.அதனால் அடிக்கடி எமது தாயாரை சந்திக்க
வருவதுடன் எந்த விடயமாயினும் எனது தாயின் ஆலோசனை பெற்றுத்தான் செய்வது வழக்கம்,
அதனாலும் நெருங்கிய உறவினர் என்பதாலும் எனக்கும் அவர்களுடன் நல்ல உறவு இருந்தது.
ஆயினும் அவர் என்னைவிட வயதில் மூத்தவர் என்பதல் நான் அவரை எப்போதும் அண்ணா
என்றே அழைப்பது வழக்கம்,
இவர் தனது இளமைக்காலத்தில் தந்தையாருக்கு உதவுவதுடன் நண்பர்களுடன் சேர்ந்து
தோட்ட வேலைகளுக்குச் செல்வது வழக்கம், அதனால் அவர் விசுவமடு படித்த வாலிபர் திட்டம்
உருவானபோது முதல் தொகுதி வழங்கலில் அவரது நண்பர்களுடன் ஒரே தெருவில் காணியை
பெறக்கூடியதாக இருந்தது. அவரின் இளமைக்கால விவசாய முயற்சியினால் விசுவமடுவில்
மிளகாய் செய்கையில் நல்ல பயன் கிடைத்தது, அதன் பயனாக அவர் தனது சகோதரர்களுக்கு
நல்ல குடும்ப வாழ்க்கையை அமைத்துக் கொடுக்க முடிந்தது
. அவர் அந்த வருவாயைக் கொண்டு பாவித்த பார ஊர்தி ஒன்றைக் கொள்வனவு செய்து அதில்
கொழும்பிற்கான பொருட்களை ஏற்றி இறக்கும் தொழிலை ஆரம்பித்தார். தொழில் நேர்மை,
நேரம் தவறாமை, மக்களுடன் பழகும் முறை ஆகியவற்றால் அவரின் தொழில் மிகவும் சிறப்பாக
மேலோங்கியது .பின்னர் அவர் புதிதான பார ஊர்திகளை வாங்கி தொழில் செய்யத்
தொடங்கினார். ஒரு கட்டத்தில் அவர் மூன்று பார ஊர்திகளை வைத்து தொழில் செய்தமை
அவரின் திறமைக்குச் சான்றாகும், இடைக்காட்டில் முதல் பார ஊர்தி சேவையை
தொடங்கியவரும் அவரே.
இறை பக்தியில் அவரின் குடும்பம் சிறந்து விளங்கியது, அவரின் தந்தையார் விவசாயம்
செய்தபோதும் கொட்டடி வைரவர் ஆலய திருவிழாவில் தனது பங்களிப்பாக மேளக்கச்சேரி
ஒன்றினை வழங்குவதுடன் அன்னை புவனேஸ்வரி ஆலயத்திலும் மிகுந்த சேவையினை
வழங்குவதனை நான் கண்டிருக்கிறேன், அவரை தொடர்ந்து அவரின் மகனான கதிரமலை
அவர்களும் கொட்டடி ஆலய வளர்ச்சியிலும் இடைக்காடு புவனேஸ்வரி அம்மன் ஆலய
வளர்ச்சியில் மிகுந்த அக்கறையுடன் செயலாற்றி …

More
srilanka Obituary (Feb. 2, 2021)
Informed by : பொன் கந்தவேல்
Contributed by : Elango veluppillai
Card image cap

திரு அருணாசலம் கந்தையா
விசகடி சித்த வைத்தியர்
வயது 90
ஆனையிறவு இயக்கச்சி(பிறந்த இடம்) இடைக்காடு , வட்டக்கச்சி கனடா
மண்ணில் 08 JUN 1930
விண்ணில் 01 FEB 2021

யாழ். ஆனையிறவு இயக்கச்சியைப் பிறப்பிடமாகவும், இடைக்காடு, வட்டக்கச்சி, கனடா ஆகிய இடங்களை வசிப்பிடமாகவும் கொண்ட அருணாசலம் கந்தையா அவர்கள் 01-02-2021 திங்கட்கிழமை அன்று இறைபதம் எய்தினார்.
காலஞ்சென்றவர்களான அருணாசலம் பார்வதி தம்பதிகளின் அன்பு மகனும்,
சின்னத்தங்கம் அவர்களின் அன்புக் கணவரும்,
மனோண்மனி(ஜேர்மனி), சேதுகாவலர்(கனடா), காந்தரூபி(இலங்கை), சறோஜினிதேவி(இலங்கை), தங்ககேஸ்வரன்(கனடா), மனோரஞ்சிதமலர்(இலங்கை), நகுலேஸ்வரன்(கனடா), வனஜா(கனடா), கிரிஜா(கனடா) ஆகியோரின் அன்புத் தந்தையும்,
அதிஸ்டலிங்கம், யோகேஸ்வரி, காசிலிங்கம், மகேந்திரன், சந்திரவதனி, தனபாலசிங்கம், கார்த்திகா, சிறீகரன், கபிலன் ஆகியோரின் அன்பு மாமனாரும்,
ரோபினி- நந்தகுமார், நிதர்சன், அனோஜன், சஜீதன், அபிநயா, சங்கீர்த்தன், தனுஷா, புருஷோத்தமன், கிருபன், விதுஜன், சங்கவி, தர்சன் -யாமினி, திவாகரன், மதுரா, ஆதித்திஜன், ஆரிஷா, சாரங்கன், தனுஷ், அபிரா, அய்டன் அக்சன், காவின் கோபி ஆகியோரின் அன்புப் பேரனும்,
காலஞ்சென்றவர்களான சரஸ்வதி, வேலுப்பிள்ளை, வள்ளியம்மை, மயிலாத்தை(மணி) ஆகியோரின் அன்புச் சகோதரரும், ஆவார். இவ் அறிவித்தலை உற்றார், உறவினர், நண்பர்கள் அனைவரும் ஏற்றுக்கொள்ளுமாறு கேட்டுக்கொள்கின்றோம்.
அன்னாரின் இறுதி நிகழ்வுகள் தற்போதைய சூழ்நிலை காரணமாக குடும்பத்தினருடன் மட்டும் நடைபெறும் என்பதை தாழ்மையுடன் தெரிவித்துக்கொள்கிறோம்.

சின்னத்தங்கம் - மனைவி
905 251 6702

More
srilanka Article (Dec. 25, 2020)
Informed by : நாராயணபிள்ளை சுவாமிநாதன்
Contributed by : None
Card image cap

சுனாமியை வென்ற சுவாமி.
டிசம்பர் 26. என்னால் மறக்க முடியாத தினம்.
2004 டிசம்பர் 26 காலை 9.00 மணிக்கு களுத்துறையிலிருந்து காலிக்கு புறப்பட்டேன். உண்மையில் அன்று காலை 7.00 மணிக்கு புறப்பட வேண்டியவன் களுத்துறை முருகனால் தாமதிக்கப்பட்டேன்.
இதோ விபரமாக. 1976ம் ஆண்டு களுத்துறையில் இருந்து யாழ் குடாநாட்டுற்கு இடமாற்றம் பெற்று வந்த போதிலும் அன்றிலிருந்து வருடம் தோறும் களுத்துறைப் பயணம் தொடர்ந்தது. இடையில் நாட்டின் யுத்த நிலைமை காரணமாக 1984 முதல் 2001 வரை பயணம் தடைப்பட்டது.
களுத்துறையில் எனது முன்னைநாள் மாணவன் ஜனாப் MMM Zabry பொறியியலாளராக இருக்கிறார். இவர் கடந்த வருடம் இலங்கை மின்சார சபையிலிருந்து பிரதிப் பொது முகாமையாளராகப் பதவி வகித்த பின் ஓய்வு பெற்றார். நான் எப்பொழுது களுத்துறை சென்றாலும் நண்பன் சப்றியுடனேயே தங்குவது வழமை. 20004ம் ஆண்டு டிசம்பர் மாதம் 28ம் 29ம் திகதிகளில் எனக்கு கொழும்பில் பிரதம பரீட்சகருக்கான கூட்டம் இருந்தது. எனவே அம்முறை களுத்துறை காலி ஆகிய இடங்களுக்குச் சென்று விடுமுறையைக் களிக்க விரும்பினேன். 2004 டிசம்பர் 24ம் திகதி இரவு தொடருந்து மூலம் பயணம் செய்து 25ம் திகதி காலை 600 மணிக்கு நண்பரின் வீட்டை அடைந்தேன். காலை உணவு உண்டபின் என்னுடன் பணிஆற்றிய ஆசிரியை KKC வினிதாவின் தொடங்கொடையில் உள்ள வீட்டிற்கு நண்பரின் வண்டியில் சென்றோம். அவரது வீட்டிற்கு 1973, 1974ம் ஆண்டுகளில் வெசாக் தினத்தன்று சென்று மதிய போசனம் உண்டோம். அன்று அவர் இல்லை. திருமணம் முடித்து ஹொறணையில் இருப்பதாக தம்பியார் கூறினார். அவர் நன்கு உபசரித்து வீட்டைச் சுற்றிப் பார்க்குமாறு கூறினர். இறப்பர்த் தோட்டத்தில் அமைந்த வீடு.
பின் அக்காவுடன் தொலைபேசி தொடர்பெடுத்துத் தந்தார்.வினிதா தனது வீட்டிற்கு வருமாறு அழைத்தார்.. 30 வருடங்களின் பின் அவரைச் சந்திக்கச் சென்றேன். ஹொறணையில் அவரைபர பார்த்ததும் சப்றி என்ன Sir கிழவிநாக இருக்குறார் என்றார். என்னடா 60 வயது கிழவி தானே என்றேன். அவருன் புதல்விகள் இருவரும் 1974 ஐய வினிதா மாதிரியே இருந்தனர். இருவரும் NDT பட்டதாரிகள் . வெளியே சென்ற கணவரை அழைத்மு அறிமுகம் செய்தார். அவர்களுனர அழைபலபில் அங்கு மதிய போசனம் உண்டபுனர களுத்துறை திரும்பினோம்.
அன்று மாலை அளும்கமை தர்காதநநகரம் சென்று ஜனாபா Fassy ஆசிரியையையும் (32வருங்களின் பின் ) சந்தித்தேன். பின் பிரபல 'அரும்பு 'சஞ்சிகை ஆசிரியர் ஜனாப் இசடீன் அவர்களையும் சந்தித்தேன்.
2004 டிசம்பர் 26ம் திகதி எனது …

More